Caritane uripmu tak gurit
Lelakonmu katingal pait
Atimu katon rinujit-rujit
Suwe dakrasakke nukulke anggit
Karo tengah windu uripmu pincang
Ning ora dakrasa kurang
Kabeh amarga pinter olehmu nutupi wirang
Sanadyan sok putrane nangis kitrang
Ngresenu sok kalane nganti mriang
Pancen resep nyuwukmu mujarab
Putramu mendhem kangen mring bapakke
Kabeh pakaryan priya kotindakna
Karep bisa ngganteni paring pangayoman
Nanging sliramu tetep jejering wanita
Mula putramu sok kangen rama
Pancen adoh anggonmu mbuwang rasa tresna
Kotutup gelaring bale griya
Ning ing padinan sok thukul rasa brangta
Rasa sayah, lungkrah tan bisa kopekek
Bot abote nyukupi butuh, ngupaya upa
Mula ora mokal yen pengin gegondhelan
Gegandhengan nggayuh rembulan
Kreator : Sali
Comment Closed: Lelakonmu
Sorry, comment are closed for this post.