Wus patraping bocah sekolah
Ati bungah sugih mitra
Ngudi ngelmi golek sangu urip
Kabeh dhawuh guru dadi jimat paripih
Kabeh sembur, pitutur dak sinau premati
Solah bawa, kaprigelan utama datan keri
Dhawuh Rama dak pundhi
Tuwuh siswa pinunjul punjul dadi
Nanging, aku durung bisa mundhi dhawuh biyung
Aku sengit yen dikurung
Kabeh suwiwi ditali
Aku ora bisa mabur nglalang jagad edi
Sanadyan putri, aku kudu mandhiri
Nggege mangsa yen kudu leladi priya
Aku kudu uwal saka pingit
Aku kudu nggayuh lintang ing langit
Ngrampungke meguru, nadyan tanpa pamit
Kreator : Sali
Comment Closed: PINGIT
Sorry, comment are closed for this post.